Llinos Roberts.

Llinos Roberts

Cyfreithiwr – Masnachol ac Amaethyddol

Timau Llinos

Amaethyddiaeth, Eiddo Masnachol ac Amaethyddol

Proffil/Profiad

Ymunodd Llinos â Lanyon Bowdler fel cyfreithiwr newydd gymhwyso ym mis Mai 2019 i gynorthwyo Edward Nutting i ehangu’r adran eiddo masnachol ac amaethyddol yng Ngogledd Cymru, a hynny ar ôl cwblhau Cwrs Ymarfer y Gyfraith gydag anrhydedd ym Mhrifysgol y Gyfraith, Caer, ac ar ôl graddio o Brifysgol Caerdydd gyda gradd 2:1 LLB yn y Gyfraith a’r Gymraeg.

Gall Llinos ddelio â gwerthiannau, pryniannau, morgeisi, prydlesi busnes a thenantiaethau amaethyddol, trwyddedau cyffredinol ac amaethyddol, hawddfreintiau a hawliau cysylltiedig, cytundebau gorswm, cytundebau opsiwn, fforddfreintiau, ac unrhyw fater eiddo masnachol neu amaethyddol arall allai fod o fewn cylch gwaith yr adran.

Mae Llinos hefyd yn cynorthwyo Edward Nutting yn rheolaidd i ddelio â materion masnachol ac amaethyddol cymhleth a hefyd gyda chleientiaid Ystadau Tir.

Daw Llinos o gefndir amaethyddol a chafodd ei magu ar fferm ychydig filltiroedd tu allan i Gaernarfon.

Yn ei hamser hamdden, anaml y gwelir Llinos y tu mewn. Mae hi’n hoffi helpu ar y fferm; yn enwedig gofalu am ei defaid, dringo mynyddoedd Eryri a mynd am dro. Mae hi hefyd yn hoffi teithio’r byd ac ar ôl cymhwyso fel cyfreithiwr, treuliodd amser yn Seland Newydd. Mae hi hefyd wrth ei bodd yn canu, yn enwedig pan mae tîm rygbi Cymru ar y cae!

Mae Llinos yn gweithio o’r swyddfa yng Nghonwy ac mae’n gobeithio y bydd ei gwybodaeth leol a’i gwreiddiau gwledig yn fanteisiol i’w chleientiaid. Mae’n ddwyieithog ac mae’n fwy na pharod i dderbyn cyfarwyddiadau yn Gymraeg a/neu Saesneg.